Nutrizio eta ohituren online kontsulta
Irene naiz, erizaina eta nutrizionista. Janariarekin duzun harremana berreskuratzeko eta zure gorputzarekin adiskidetzeko ohiturak eraikitzen lagunduko dizut, urratsez urrats.
Ez da borondate edota indar kontua bakarrik. Zuk ez duzu huts egin. Klixe bat dirudi, baina funtsean ez da: jada janariarekin harreman ona izatea ez zaigu erraza egiten.
Estimuluz beteriko mundu honetan, dena zuri-beltza dirudi. Zaila egiten zaigu grisen eskala ikustea. Egoera behin eta berriz errepikatzen da:
Astelehena heldu da, eta dena prest duzu: plana, erosketa-zerrenda, sortutako errutina berria, oraingoan lortuko duzularen promesa. Azkenean serio jarriko zara dietan. Oraingoan bai, energia daukazu. Oraingoan bai, motibatuta zaude.
Bi aste beranduago, afari bat kanpoan, egun zaila lanean, etxean, seme-alabekin, zaintzan. Edo, besterik gabe, antsietatea, asperdura.
Dena erortzen da berriro, eta betiko esaldia agertzen da: «ez naiz diziplinatua». Zeure burua epaitzen duzu, zeure buruarekin bidegabea zara, eta amore ematen duzu.
Ez da zure konklusioa bakarrik, jende askok bere gain hartu du pentsaera hau. Urteetan zehar, hortzak estutzean oinarritutako dietak izan dira araua, eta horren ondorio logikoa errua da. Borondatea muskulu bat bada, alde batera uzten duena behar adina entrenatu ez duelako da. Ikuspegi horretatik, zu izango zara beti akatsa.
Zorionez, egungo zientziak beste gauza bat kontatzen du: ez da hortzak gehiago estutzearen kontua. Ezta borondate-indar handiagoa edukitzearen edo, okerrago, ez edukitzearen kontua ere.
Jokalekua aldatzearen kontua da.
Erroma ez zen egun batean eraiki, eta janariarekiko harreman osasuntsua ere ezin da istant batean sortu. Eguneroko keinu txikiek ezberdintasuna markatzen dute: pixkanaka zure pentsaera, begiratzeko modua eta janariarekin erlazionatzeko modua aldatzea.
Kontsultan zure ohiturak lantzen ditugu: txikiak, zehatzak, bizitza errealera eta zuri egokituak.
Hau zure hasiera izan daiteke.
Urteetan debekatutako dieta, arau eta elikagaien ondoren, normala da jatea gauza zaila izatea. Janariarekiko harremana pixkanaka tenkatzen joan da, eta jada ez da borondate-indarraren arazoa.
Zorionez harreman hori konpondu daiteke, debeku zorrotzik gabe eta astelehenero hutsetik hasi gabe.
Izan ere, sakoneko helburua ez da dieta perfektua burutzea, helburu nagusia janariak duen lekua hartzea da: ez zure egunaren erdigunea izatea, ezta zure etsaia izatea ere. Helburuetako bat harreman horrek kontsumitzen dizun espazio mentala berreskuratzea da. Lasai jan, konfiantzaz erabaki, eta zurekin eta gorputzarekin bakean egon.
Guzti honetan, nire lana baliabideak eta tresnak ematea da, ondoren zure kabuz jarraitu ahal izateko, prozesuan zehar zurekin batera egonez. Denborarekin segurtasunez bakarrik ibili ahal izatea da nire asmoa; eta, batez ere, egunero egiten duzunarekin asebeteta sentitzea.
Lehen urratsa dirudiena baino errazagoa da.
01
Esadazu, oro har, zer gertatzen zaizun orri honen amaieran dagoen formularioan. Pertsonalki erantzungo dizut.
02
Saioaren aurretik formulario bat bidaliko dizut, zure testuingurua hobeto ezagutzeko galdera zehatzekin. Saioan, bideo-dei bidez, zure egoera baloratuko dugu eta helburu zehatzekin irtengo zara.
03
Aldaketa txikiak elkarrekin definituko ditugu, eta jarraipena egingo dizut, denboran zehar iraungo duten ohiturak bihur daitezen.
Nork lagunduko dizu?
Nirekiko, nire gorputzarekiko nuen kezka batengatik Nutrizioa ikasi nuen: barruan nuen egonezina zen. Janariarekin harreman txarra neukan eta erantzunak nahi nituen gertatzen ari zitzaidanerako.
Denborarekin janariarekin harreman hobea garatzen joan nintzen, eta prozesu honek ikuspegi zabalagoa eta oso erabilgarriak izan zaizkidan tresnak eman dizkit, eta orain zurekin partekatu nahiko nituzke. Bidaia pertsonal honen ondoren, erizaintza bide egokia iruditu zitzaidan besteekin batera errealizatua sentitzeko, eta bizi-xede argiagoa eman zidan.
Egun kontsultan bi kontzeptuak uztartzen ditut. Niretzat, beste pertsona bat zaintzeak, laguntza teknikoa edo praktikoa emateaz gain, bere bidean eskua ematea eskatzen du; bizitza erosoagoa, zeharkagarriagoa eta eraginkorragoa eginez. Batzuetan, inguratu eta lasai entzunez pentsatzen dena baino gehiago egiten da.
Zure burua zaintzeko garaia iritsi dela sentitzen baduzu, pozarren ezagutuko zaitut.
Online modalitatea, elkar komunikatzeko zauden tokian zaudela.
Elkar ezagutuko dugu, zure ohiturak, zure historia eta zure asmoak errepasatuko ditugu. Helburu zehatzekin irtengo gara, eta zuretzat egindako jarraibide batzuk landuko ditugu. Jarraibide horiek posta elektronikoz bidaliko dizkizut, eta zurekin hitz egingo dut labur-labur, dagoeneko prezioaren barne dagoen bigarren saio batean.
Nola joan den, zer egin zaizun zaila eta zerk funtzionatu duen ikusiko dugu. Plana doitu eta hurrengo helburu eta urratsak definituko ditugu.
Lehenengo kontsulta eta jarraipeneko hiru kontsulta. Asteko adibide-menu bat bidaliko dizut baita ere. Ohiturak aldatzeko prozesu bat, bide osoan zehar lagunduz.
Idatzi eta kontatu zure kasua. Pozarren irakurriko dizut eta pertsonalki erantzungo dizut.
Zure mezua jaso dut eta lehenbailehen erantzungo dizut pertsonalki, normalean egun batean edo bitan.
Posta bidez nahiago duzu? Idatz iezadazu info@irenelopezaltuna.com helbidera